AXUDAS AO ALUMNADO UNIVERSITARIO PARA ESTADÍAS NALGÚN ESTADO MEMBRO DA U.E. NO VERÁN 2019

A Consellería de Educación, Universidade e Formación Profesional publica hoxe no Diario Oficial de Galicia a ORDE do 15 de novembro de 2018 pola que se establecen as bases reguladoras e se convocan axudas ao alumnado do Sistema universitario de Galicia para estadías nalgún Estado membro da Unión Europea, durante o verán de 2019, co obxecto de coñecer a lingua dese país.

Bases reguladoras

Extracto

Persoas beneficiarias

O alumnado das universidades do Sistema universitario de Galicia. 

Obxecto

Convocar, en réxime de concorrencia competitiva, cento corenta e dúas (142) axudas para estadías nalgún Estado membro da Unión Europea, durante o verán de 2019, co obxecto de coñecer a lingua dese país.

Orzamento e contía das bolsas

O importe global previsto na orde é de 142.000 euros.

A dotación económica asignada a cada persoa beneficiaria será dun máximo de 1.000 euros. 

Prazo de presentación de solicitudes

Será desde o día seguinte ao da publicación desta convocatoria no Diario Oficial de Galicia ata o 14 de marzo de 2019.