mércores, 12 de decembro de 2018

Primeira convocatoria pública para o ano 2019 do procedemento de recoñecemento das competencias profesionais

A Consellería de Economía, Emprego e Industria ven de publicar a ORDE do 3 de decembro de 2018 pola que se realiza a primeira convocatoria pública para o ano 2019 do procedemento de recoñecemento das competencias profesionais adquiridas a través da experiencia laboral, na Comunidade Autónoma de Galicia, en determinadas unidades de competencia do Catálogo nacional de cualificacións profesionais, cofinanciado nun 80 % polo FSE con cargo ao programa operativo FSE Galicia 2014-2020.convocar a primeira.

Cualificacións profesionais que entran nesta convocatoria

Esta orde ten por obxecto convocar, no ámbito da Comunidade Autónoma de Galicia, o procedemento para a avaliación e acreditación das competencias profesionais adquiridas polas persoas a través da experiencia laboral e/ou de vías non formais de formación (código do procedemento: TR305A) para un total de 467 prazas, nas unidades de competencia que se indica no anexo I e cun total de 1.818 unidades de competencia nas seguintes cualificacións profesionais:

Servizos para o control de pragas (SEA028_2): 50 prazas.

Xestión de servizos para o control de organismos nocivos (SEA251_3): 25 prazas.

Extinción de incendios e salvamento (SEA129_2): 150 prazas.

Operacións de vixilancia e extinción de incendios forestais e apoio a continxencias no medio natural e rural (SEA 595_2): 242 prazas, das cales:
  • 122 prazas da lista definitiva de persoas en lista de espera (Orde do 30 de decembro de 2016).
  • 120 novas prazas.
Enlace á convocatoria do D.O.G. Primeira convocatoria recoñecemento competencias 2019



Ningún comentario:

Publicar un comentario

OFERTA DE EMPREGO PARA OPERARIOS/AS INDUSTRIAIS E CARRETILLEIROS/AS

Gi Group busca: OPERARIOS-AS INDUSTRIAIS / CARRETILLEIROS-AS , para A Pobra do Caramiñal e Vilagarcía de Arousa.  Con experiencia en líñas d...