A Consellería de Facenda publica hoxe, día 25 de febreiro, a ORDE do 20 de febreiro de 2019 pola que
se convoca o proceso selectivo para o ingreso na escala de auxiliares de
clínica, subgrupo C2, do corpo de auxiliares de carácter técnico de
Administración especial da Administración xeral da Comunidade Autónoma
de Galicia.
O obxecto do proceso selectivo será cubrir
trescentas cinco (305) prazas da escala de auxiliares de clínica,
subgrupo C2, polas quendas de acceso libre e promoción interna.
Resérvanse setenta e seis (76) prazas
para seren cubertas pola quenda de promoción interna. As prazas non
cubertas por esta quenda acumularanse ás de acceso libre.
O sistema selectivo é o de concurso-oposición.
As persoas que desexen participar no proceso
selectivo deberán facelo constar no modelo de solicitude, que será
facilitado gratuitamente na internet, e aboar a taxa que estea vixente
no momento de presentala, que exixe a Lei 6/2003, do 9 de decembro, de
taxas, prezos e exaccións reguladoras da Comunidade Autónoma de Galicia,
de acordo co procedemento que se sinala na Orde da convocatoria.
O prazo para formalizar telematicamente
as solicitudes será de vinte (20) días hábiles, que se contarán a partir
do seguinte ao da publicación desta convocatoria no Diario Oficial de Galicia (DOG).
Ligazón á convocatoria en PDF: Proceso selectivo para o ingreso na escala de auxiliares de clínica
Ningún comentario:
Publicar un comentario