O pasado 6 de marzo fixémonos eco neste Blog da publicación das bases reguladoras de diferentes liñas de subvencións para o fortalecemento do tecido
empresarial nos municipios da provincia así como axudas á contratación
ou mantemento dos cadros de persoal da pemes e das microempresas que a Deputación poñía en marcha a través do Plan de Emprego Local 2016-2019.
Quedaban pendentes as convocatorias das mesmas así como os prazos de solictude que saíron publicados no BOP do día 20 de marzo de 2019:
- PEL EMPRENDE: Axudas á consolidación e ao fortalecemento do tecido empresarial nos concellos da provincia da Coruña a través do apoio ao investimento en bens inventariables (Liña 2.1: PEL-Emprende Investimento 2019)
- PEL EMPRENDE: Axudas á consolidación e ao fortalecemento do tecido empresarial nos concellos da provincia da Coruña a través do apoio á realización de actividades e/ou actuacións no desenvolvemento da iniciativa empresarial (Liña 2.6. PEL-Emprende Actividades 2019)
- PEL PEMES: Axudas á contratación para a creación e ampliación do cadro de persoal de pequenas, medianas e microempresas (Liña 3.1.PEL-PEMES creación e ampliación 2019)
- PEL PEMES: Axudas ao mantemento do cadro de persoal de pequenas, medianas empresas e microempresas (Liña 3.2 PEL-PEMES mantemento 2019)
Os prazos de solicitude de todas elas é o mesmo, comezará a partir do día 21 de marzo de 2019 e rematará o día 22 de abril de 2019 ás 14.00 horas
Tanto as solicitudes como o resto da tramitación da presente
convocatoria, realizarase por vía telemática a través da plataforma
SUBTEL, accesible desde a sede electrónica da Deputación Provincial da
Coruña SEDE ELECTRÓNICA DEPUTACIÓN.
Ningún comentario:
Publicar un comentario